Gazteek erabakitzen dute: Nafarroako aurrekontu parte-hartzaileak martxan
Gazteentzako proiektu bat proposatu nahi duzu? Orain aukera duzu. **Nafarroako Gazteriaren Institutua**k martxan jarri du aurrekontu parte-hartzaileen programa, gazteek ideiak proposatu eta aukeratutako ekimenak finantzatzeko.
Sistema sinplea da: gazteek edo gazteriarekin lan egiten duten elkarteek proiektuak aurkezten dituzte, eta ondoren gazteek eurek bozkatzen dute zein proposamen gauzatuko diren. Helburua da gazteak prozesu osoan inplikatzea: ideiatik hasi, hautaketara, gauzatzera eta azken ebaluaziora arte.
Proposamenak aurkezteko epea: martxoaren 20ra arte.
Ondoren, aurkeztutako ideiak baliozkotuko dira, eta Gazte Txartelaren titularrek online bozkatu ahal izango dute apirilaren 1etik 15era. Irabazleak apirilaren 20tik aurrera jakinaraziko dira.
Hautatutako proiektuak 2026an zehar garatuko dira, eta urte amaieran ebaluazioa egingo da.
💡 Ideia bat baduzu —kultura, aisialdia, ingurunea edo gazteen beharrei lotutako beste edozein arlotan— orain da momentua proposatzeko. Zure proiektua errealitate bihur daiteke! 🚀
